ಗಜಲ್ --೧೧

ಹುಟ್ಟಿನಿಂದ ಸಾವಿನವರೆಗೂ ನರಜನ್ಮದ ಮೆರವಣಿಗೆ.
ಗರ್ಭದಿಂದ ಭೂಗರ್ಭದವರೆಗೆ ಜೀವನದ ಮೆರವಣಿಗೆ.

ಬದುಕು ಪೂರ ಹೊಸ ಹೊಸ ಅನುಭವಗಳ ಚಿತ್ತಾರ
ಬದುಕಿನ ಜಾತ್ರೆಯಲ್ಲಿ ಹಲವು ಭಾವದ ಮೆರವಣಿಗೆ.

ಬಾಲ್ಯದ ಚಿಗುರಿನಲ್ಲಿ ಗೆಳೆಯರ ಒಡನಾಡಿ ಸಂಬ್ರಮ.
ಕಲಿಕೆಯ ಸಾದನೆಗೆ ನೂರಾರು ಪಾಠದ ಮೆರವಣಿಗೆ.

ಯೌವ್ವನದ ದಿನಗಳಲ್ಲಿ ಬಯಕೆಗಳು ಅರಳಿ ಕನವರಿಕೆ.
ಹರೆಯ ಮಾಸಿದರೂ ಕನಸುಗಳು ಮಾಸದ ಮೆರವಣಿಗೆ.

ದೇಹ ಮಾಗಿದರೂ ಕೋಲು ಹಿಡಿದರೂ ಮನಸು ಬಾಗದು.
ತ್ರಿನೇತ್ರಜನ ಮನದಲ್ಲಿ ಸಾಗಿದೆ ನೆನಪಿನಂದದ ಮೆರವಣಿಗೆ.

ತ್ರಿನೇತ್ರಜ
ಶಿವಕುಮಾರ ಹಿರೇಮಠ.