ಗಜ಼ಲ್-೨೮
ಪ್ರೀತಿ ಇಲ್ಲದ ಕೆಂಗಣ್ಗಳಲ್ಲಿ ನನ್ನ ಬಿಂಬವ ಕಂಡೆ ನಾ
ಪ್ರೀತಿ ತುಂಬಿದ ನೋಟ ಹರಿಸಿ ಸವಿಭಾವ ಕಂಡೆ ನಾ

ದ್ವೇಷವೆಂಬುದು ಅಂಟುಜಾಡ್ಯ ಪಸರಿಸುತಲೆ ಸಾಗದೇ
ಉಪಷಮನಕೆ ಪ್ರೀತಿ ಮದ್ದು ನೀಡುತ ಗೆಲುವ ಕಂಡೆ ನಾ

ಪಟ್ಟವದು ದಮನಕಲ್ಲವೊ ಮೂಡಿ ಮಾಸುವ ಮಳೆಬಿಲ್ಲು
ಅಳಿಸಲಾರದ ಆಸ್ತಿ ವಿದ್ಯೆಯೋ ಅದರ ಬಲವ ಕಂಡೆ ನಾ

ಅನತಿ ದೂರದ ಅವಸಾನಕೆ ಹಣತೆ ಹೆಚ್ಚು ಉರಿವುದೋ
ತಾಳದವನಿಗೆ ಬಾಳಿಲ್ಲವೋ ತಾಳುತ ನಗುವ ಕಂಡೆ ನಾ

ಸಗ್ಗದಲೇಕೆ ಜನಮನದಲೂ
ಅಮೃತವಿದೆ ತ್ರಿನೇತ್ರಜ
ಬಿಚ್ಚಿ ಬಡಿಸದ ಅಲ್ಪರ ನಡೆಯೊಳು ಅಹಂಭಾವ ಕಂಡೆ ನಾ.

        .................................
*ತ್ರಿನೇತ್ರಜ್*

ಶಿವಕುಮಾರ ಹಿರೇಮಠ.